افغانستان کے منجمد اکاؤنٹس کی بحالی ضروری ہے، منیر اکرم

اقوام متحدہ میں پاکستان کے مستقل مندوب منیر اکرم نے کہا ہے کہ افغانستان کے منجمد اکاؤنٹس کی بحالی ضروری ہے، عالمی برادری انسانی بنیادوں پر کابل کی امداد کرے۔

سلامتی کونسل کے اجلاس سے خطاب کرتے ہوئے منیر اکرم نے کہا کہ داعش، القاعدہ سمیت دہشتگرد تنظیموں کو افغانستان میں پیر جمانے کی اجازت نہیں ہونی چاہیے۔

دوسری جانب سیکریٹری جنرل اقوام متحدہ انٹونیو گوٹریس کا کہنا ہے کہ طالبان کے ساتھ بات چیت کو برقرار رکھنا چاہیے، لاکھوں افراد کو بھوک کے باعث موت کے منہ میں جانے سے روکنا ہوگا۔