قومی سلامتی کمیٹی کا اہم اجلاس آج سہ پہر تین بجے ہو گا

قومی سلامتی کمیٹی کا اجلاس  آج سہ پہر تین بجے وزیراعظم آفس میں ہوگا۔

وزیراعظم کی زیر صدارت ہونے والے اجلاس میں آرمی چیف، ڈائریکٹر جنرل انٹرسروسز انٹیلی جنس (ڈی جی آئی ایس آئی)، ڈائریکٹر جنرل ملٹری آپریشنز (ڈی جی ایم او) ، ڈائریکٹر جنرل ملٹری انٹیلی جنس (ڈی جی ایم آئی) اور پارلیمانی جماعتوں کے سربراہان شریک ہوں گے۔

ذرائع کے مطابق اجلاس میں قومی سلامتی کے ایشوز کے ساتھ ساتھ  کالعدم تحریک طالبان کے ساتھ ہونے والے مذاکرات پر بھی شرکاء کو بریف کیا جائے گا۔