‘ ڈیم فنڈ کے پیسے سپریم کورٹ کے اکاؤنٹ میں جمع ہیں،سابق چیف جسٹس ثاقب نثار کا بیان
Written by Prime FM92 on June 16, 2022
سپریم کورٹ کے سابق چیف جسٹس ثاقب نثار نے کہا ہے کہ ڈیم فنڈ کے پیسے سپریم کورٹ کے اکاؤنٹ میں جمع ہے۔نجی ٹی وی سے گفتگو کرتے ہوئے ڈیم فنڈ سے متعلق سوال پر انہوں نے کہا کہ جب میں نے ڈیم فنڈ کے پیسے واپڈا کو دینا چاہے تو ان کے چیئرمین نے کہا کہ جب وہ کوئی مخصوص کام کرنا شروع کریں گے تو اس وقت اسے استعمال میں لائیں گے۔
ان کا کہنا تھا کہ میرا سٹاف گواہ ہے کہ میں نے خود اس فنڈ میں 18 لاکھ روپے جمع کرائے تھے۔ انہوں نے کہا کہ سپریم کورٹ کے پانچوں ججز کی اجازت کے بغیر وہاں سے ایک پیسہ نہیں نکالا جا سکتا۔ثاقب نثار نے کہا کہ کالا باغ ڈیم پاکستان کے لیے ناگزیر ہے اور اس کے لیے میں اپنے فیصلے کی شروعات اس سے کی ہیں کہ کالا باغ ڈیم بننا چاہئے۔انہوں نے کہا کہ ہمیں اپنی آنے والی نسل کے لیے یہ ڈیم ضرور بنانا ہے۔