ایف آئی اے نے منی لانڈرنگ کیس میں شہباز شریف اور حمزہ شہباز کی گرفتاری مانگ لی
Written by Prime FM92 on June 4, 2022
سپیشل کورٹ سنٹرل میں جاری منی لانڈرنگ کیس کی سماعت کے دوران فیڈر ل انویسٹی گیشن ایجنسی(ایف آئی اے ) نے وزیر اعظم شہباز شریف اور وزیر اعلیٰ پنجاب حمزہ شہباز کی گرفتاری مانگ لی ۔
تفصیلات کے مطابق سپیشل کورٹ سنٹرل میں رمضان شوگرمل اور آشیانہ منی لانڈرنگ کیس کی سماعت کے دوران فاضل جج نے استفسار کیاکہ کیا ایف آئی اے کو ملزمان کی گرفتاری مطلوب ہے ؟،جس پر ایف آئی اے پراسیکیوٹر نے کہا کہ دونوں ملزمان کی گرفتاری چاہیے ابھی ملزمان کا مزید کردار ثابت ہونا ہے۔
حمزہ شہباز کے وکیل امجد پرویز نے اعتراض اٹھایا اور کہا کہ عدالت کے سامنے غلط بیانی نہیں کرنی چاہیے ،ایف آئی اے کو کوئی شہادت نہیں ملی،حمزہ شہباز جیل میں تھے تو انہیں شامل تفتیش بھی کیا گیا،ایف آئی اے نے دونوں ملزمان کو بلا کر 2،2گھنٹے بٹھایا،ریکارڈ پر سب چیزیں ہیں وہ سچ بیان کرتی ہیں ۔
عدالت نے وزیر اعلیٰ پنجاب حمزہ شہباز اور وزیر اعظم شہباز شریف کو عدالت سے جانے کی اجازت دے دی۔
