حمزہ شہباز کیخلاف پی ٹی آئی اور( ق) لیگ کی اپیلوں پر سماعت،کارروائی کل تک کیلئے ملتوی

وزیر اعلیٰ پنجاب حمزہ شہباز کے خلاف  تحریک انصاف (پی ٹی آئی )اورپاکستان مسلم لیگ (ق) سمیت دیگر کی اپیلوں پرلاہور ہائیکورٹ میں سماعت ہوئی، جسٹس صداقت علی خان کی سربراہی میں 5رکنی بینچ نے کیس کی سماعت کی ۔

نجی ٹی وی کے مطابق سماعت کے دوران وفاقی وکیل اظہر صدیق نے موقف اختیار کیا کہ آئین میں گنجائش نہیں کہ سپیکر گورنر سے حلف لے ،گورنر کی بجائے وفاقی حکومت کوفریق بنانا ضروری ہے جس پر عدالت نے صدر اورگورنر پنجاب کو بذریعہ سیکرٹری فریق بنانے کی ہدایت کر دیا ، عدالت کا کہنا تھا کہ صدر اور گورنر کو بھی سننا چاہتے ہیں اور اپیل پر کارروائی کل تک ملتوی کر دی ۔