عثمان بزدار کی زیر صدارت پنجاب کابینہ کا اجلاس شروع ہو گیا

 سردار عثمان بزدار کی زیر صدارت پنجاب کابینہ کا اجلاس شروع ہو گیا ۔

گورنر پنجاب کی جانب سے سپیکر پنجاب اسمبلی کو خط لکھا گیا جس میں کہا گیا کہ عثمان بزدار کے استعفے کو مسترد کر دیا گیا ہے ۔ خط کے بعد سردار عثمان بزدار نے پنجاب سیکرٹریٹ میں   کابینہ کا اجلاس طلب کیا  تھا۔

پنجاب اسمبلی آمد پر میڈیا سے گفتگو کرتے ہوئے  سردار عثمان بزدار نے کہا کہ استعفیٰ مسترد ہونے پر عہدے پر بحال ہو چکا ہوں ،  کیبنٹ اور قانونی ٹیم کی مشاورت سے آئندہ کا لائحہ عمل طے کیا جائے گا۔

حمزہ شہباز کی حلف برداری کی تقریب سے متعلق سوال کے جواب پر انہوں نے کہا کہ قانونی معاملہ ہے اس پر بات نہیں کر سکتا ۔