وفاقی حکومت کے دفاتر کے اوقات تبدیل کردیے گئے

وفاقی حکومت کے دفاتر کے اوقات کار تبدیل کردیے گئے،وفاقی حکومت کے دفاتر میں نئے اوقات کار کا اطلاق 2 مئی سے ہوگا 

نجی ٹی وی نیوز کے مطابق نئے اوقات کار کے مطابق ہفتے میں 5 دن کھلنے والے دفاتر میں پیر سے جمعہ تک صبح 8 سے سہ پہر 4 بجے تک ہوں گے، پیرسے جمعرات تک دوپہر ایک بجے سے ڈیڑھ بجے تک کھانے کا وقفہ ہوگا جب کہ جمعے کو کھانےاور نماز کا وقفہ ساڑھے 12بجے سے 2 بجے تک ہوگا۔

 6 دن کھلنے والے دفاترکے اوقات کارپیر سے جمعرات تک صبح 8 بجے سے 3 بجے تک ہوں گے، کھانے اور نماز کا وقفہ ایک بجے سے ڈیڑھ بجے تک ہوگا۔6 دن کھلنے والے دفاتر میں جمعہ کو اوقات کار صبح 8 بجے سے دوپہر ایک بجے تک ہوں گے۔وفاقی حکومت کے دفاتر کے اوقات کار میں تبدیلی کا نوٹیفکیشن جاری کردیا گیا ہے۔