عبدالستار ایدھی کی اہلیہ بلقیس ایدھی کی نماز جنازہ ادا ، سندھ پولیس نے سلامی پیش کی
Written by Prime FM92 on April 16, 2022
عبدالستار ایدھی کی اہلیہ بلقیس ایدھی کی نماز جنازہ ادا کر دی گئی ، سندھ پولیس کی جانب سے سلامی پیش کی گئی ۔
تفصیلات کے مطابق سماجی کارکن بلقیس ایدھی کی نماز جنازہ کراچی کی میمن مسجد میں ادا کی گئی ، نماز جنازہ میں ہزاروں کی تعداد میں لوگوں نے شرکت کی ،وزیر اعلیٰ سندھ ،ایڈمنسٹرکراچی نے بھی بلقیس ایدھی کی نماز جنازہ میں شرکت کی ۔ نماز جنازہ کے بعد سندھ پولیس کی جانب سے سماجی کارکن بلقیس ایدھی کو سلامی پیش کی گئی ۔
بلقیس ایدھی 2014 سے دل کے عارضے میں مبتلا تھیں اور گزشتہ روز افطاری سے کچھ دیر قبل وہ خالق حقیقی سے جا ملیں ۔
