بلدیاتی انتخابات میں ضابطہ اخلاق کی خلاف ورزی، الیکشن کمیشن نے مشتاق غنی سے متعلق فیصلہ محفوظ کرلیا
Written by Prime FM92 on April 13, 2022
خیبرپختونکوا کے بلدیاتی انتخابات میں ضابطہ اخلاق کی خلاف ورزی کے معاملے پر سپیکر صوبائی اسمبلی مشتاق غنی سے متعلق فیصلہ محفوظ کرلیا گیا۔
نجی ٹی وی نیوز کے مطابق سپیکر خیبرپختونخوا اسمبلی مشتاق غنی کے خلاف خیبرپختونخواکے بلدیاتی انتخابات میں ضابطہ اخلاق کی خلاف ورزی کے معاملے پر چیف الیکشن کمشنر کی سربراہی میں تین رکنی بینچ نے سماعت کی ، مشتاق غنی کے وکیل نے الیکشن کمیشن میں پیش ہوئے اور کہا کہ صدارتی آرڈیننس کےمطابق مشتاق غنی نےضابطہ اخلاق کی خلاف ورزی نہیں کی، صدارتی ریفرنس کو کسی نےچیلنج نہیں کیا ۔
چیف الیکشن کمشنر نے استفسار کیا کہ کیاانتخابات میں ضابطہ اخلاق کسی قانون کےتحت نہیں؟، ایک سیاسی جماعت ضابطہ اخلاق کونہیں مانتی؟، کل کو کوئی آرڈیننس جاری کر دے کہ اپوزیشن حصہ نہیں لےسکتی تو پھر کیا ہو گا؟۔
چیف الیکشن کمشنر نے ریمارکس دیے کہ الیکشن کمیشن آئین اورقانون کےمطابق چلےگا۔