ووٹنگ کرانے کے معاملے میں پی ٹی آئی میں پھوٹ، سپیکر قومی اسمبلی اور وفاقی وزیر کے درمیان تلخ کلامی

قومی اسمبلی کے سپیکر اسد قیصر اور ایک وفاقی وزیر کے درمیان تحریک عدم اعتماد پر ووٹنگ کے معاملے میں تلخ کلامی ہوئی ہے ۔

نجی ٹی وی  نے ذرائع کے حوالے سے دعویٰ کیا کہ وفاقی وزیر اور اسد قیصر کے درمیان تلخی کا واقعہ پارلیمنٹ میں موجود صدارتی چیمبر میں پیش آیا، وفاقی وزیر نے اسدقیصر سے کہا کہ آپ عمران خان کی لائن لیں اپنی لائن نہ لیں جس پر اسد قیصر نے جواب دیا کہ میں آئین پاکستان کی لائن لے رہاہوں ، تحریک انصاف میں شمولیت بھی پاکستان کے آئین کے تحفظ کیلئے کی تھی ۔