تحریک عدم اعتماد کامیاب ہو چکی ، حکومت تاخیری حربے اختیار کر رہی ہے ، شیری رحمان

پاکستان پیپلزپارٹی کی نائب صدر سینیٹر شیری رحمان نے کہا کہ تحریک عدم اعتماد کامیاب ہو چکی ہے ، حکومت صرف تاخیری حربے استعمال کر رہی ہے ۔

نجی ٹی وی سے گفتگو کرتے ہوئے شیری رحمان نے کہا کہ اس میں کوئی ابہام نہیں کہ تحریک عدم اعتماد واضح طور پر کامیاب ہو چکی ہے  لیکن حکومت کی جانب سے تاخیری حربے استعمال کئے جا رہے ہیں ، سپیکر قومی اسمبلی غیر جانبدار نہیں ہیں ۔

شیری رحمان نے کہا کہ اسمبلی کے حالات پر افسوس ہے ، اس وقت حکومت اور حکومت کی پوری پارٹی کہاں ہے ، یہ پریشان ہیں کہ اگر ان کے ممبران اسمبلی آئے تو وہ ان کے خلاف ہی نہ ہو جائیں ۔