مولانا فضل الرحمان کے بعد آج چوہدری شجاعت کس سے ملاقات کریں گے؟

وزیر اعظم عمران خان کے خلاف تحریک عدم اعتماد کے بعد سے سیاسی درجہ حرارت انتہائی بڑھ چکا ہے جس میں مزید اضافہ  مسلم لیگ ق کے سربراہ چوہدری شجاعت حسین کی طویل عرصے کے بعد اسلام آبادآمد سے ہوا ہے۔ چوہدری شجاعت حسین نے گزشتہ روز پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان سے ملاقات کی تھی۔ نجی ٹی وی نے ذرائع کے حوالے سے دعویٰ کیا ہے کہ چوہدری شجاعت آج سابق صدر آصف علی زرداری سے ملاقات کریں گے جس میں پاکستان کی سیاسی صورت حال اور تحریک عدم اعتماد کے حوالے سے تبادلہ خیال کیا جائے گا۔