امریکی عوام کو افغانستان کی اصل صورتحال سے گمراہ رکھا گیا، وزیر اعظم کا غیر ملکی میڈیا کو انٹرویو

وزیر اعظم عمران خان نے کہا کہ افغانستان میں خانہ جنگی بڑی تباہی کا باعث بنا امریکی عوام کو افغانستان کی اصل صورتحال سے گمراہ کیا گیا ، صورتحال کشیدہ ہوئی تو اثرات دور تک جائیں گے ۔

غیر ملکی میڈیا کو انٹرویو میں وزیر اعظم کا کہنا تھا کہ افغانستان میں بڑی تبدیلیاں رونما ہوئی ہیں ، یہ ہمسایہ ملکوں کیلئے اہم تجارتی گزر گاہ ہے ، اس کے ذریعے وسط ایشیائی ممالک پاکستان تک رسائی حاصل کر سکتے ہیں ،طالبان نے 20 سال بعد اقتدار سنبھالا ہے وہ صورتحال سے نمٹنے کی کوشش کر رہے ہیں ، دنیا کو بھی افغانستان کے ساتھ مذاکرات کرنے چاہئے ، افغانستان کو الگ تھلگ کر دینے سے منفی اثرات پڑیں گے ۔  وہاں انسانی بحران پیدا ہو جائے گا ، مضبوط طالبان ہی دہشتگردوں سے نمٹ سکتے ہیں ۔