طالبان کی حراست میں رہنے والا سابق برطانوی فوجی کابل سے روانہ

طالبان کی زیرحراست رہنے والا سابق برطانوی فوجی برطانوی حکام کے ہمراہ کابل سے روانہ ہوگیا۔

خبرایجنسی کے مطابق 37 سالہ بین سلاٹر طالبان رہنماؤں سے ملاقات کے لیے آئے برطانوی سفیروں کے ہمراہ پرواز سے دوحا روانہ ہوا۔

برطانوی اخبار نے دعویٰ کیا ہے کہ سابق برطانوی فوجی کے انخلا کا عمل براہ راست برطانوی وزیر دفاع بیلس ویلس کی نگرانی میں ہوا۔

سلاٹر رائل ملٹری پولیس کا سابق اہلکار اور افغانستان میں این جی اوز کی چین چلا رہا تھا۔

طالبان نے سابق برطانوی فوجی کو اسٹاف کے انخلا کے عمل کے دوران گزشتہ ماہ حراست میں لیا تھا۔ سابق برطانوی فوجی کو بعد میں طالبان نے رہا کردیا تھا۔