برطانوی نمائندہ خصوصی سائمن گاس کی افغان نائب وزرائے اعظم سے ملاقات

برطانوی نمائندہ خصوصی سائمن گاس نے کابل میں طالبان کے نائب وزرائے اعظم ملا عبدالغنی برادر اور مولوی عبدالسلام حنفی سے ملاقات کی۔

برطانوی دفتر خارجہ کے مطابق ملاقات میں افغانستان سے انخلا کے خواہشمند افراد کے لیے محفوظ راستوں کی فراہمی جاری رکھنے، افغانستان کو دوبارہ دہشت گردوں کی پناہ گاہ نہ بننے دینے، اقلیتوں، خواتین اور لڑکیوں کے حقوق پر تبادلہ خیال ہوا۔

ملاقات میں افغانستان میں انسانی بحران کو حل کرنے میں برطانوی تعاون کے بارے میں بھی بات کی گئی۔