سعودی عرب نے عمرہ زائرین کی تعداد میں اضافے کا اعلان کردیا
Written by Prime FM92 on October 1, 2021
سعودی عرب کی حکومت نے عمرہ زائرین کی تعداد میں اضافے کا اعلان کیا ہے۔
عرب میڈیا کے مطابق عمرہ زائرین کی تعداد بڑھاکر ایک لاکھ کردی گئی ہے۔ مسجد الحرام میں نمازیوں کی روزانہ کی تعداد بھی بڑھا کر 60 ہزار کردی گئی ہے۔تعداد بڑھانے کے ساتھ ساتھ سعودی حکومت کی جانب سے حفاظتی تدابیر اور ایس او پیز کو بھی یقینی بنایا گیا ہے۔واضح رہے کہ سعودی حکومت نے کورونا خدشات کے پیش نظر عمرہ زائرین میں واضح کمی کردی تھی تاہم اب اس میں اضافہ کیا جارہا ہے۔
