الیکشن کمیشن کو ووٹنگ مشین کی زیادہ سمجھ نہیں، فواد چودھری

وفاقی وزیر اطلاعات فواد چودھری نے کہا ہے کہ الیکٹرونک ووٹنگ مشینوں پر الیکشن کمیشن کی سمجھ زیادہ نہیں ہے۔

میزبان سلیم صافی سے بات چیت کرتے ہوئے فواد چودھری کا کہنا تھا کہ الیکشن کمیشن نے سینیٹ انتخابات میں براہ راست وزیر اعظم کے خلاف بیان دیا، اس مہینے تین مختلف تنظیموں کے انتخابات الیکٹرونک ووٹنگ مشین پر کرائیں گے۔

انہوں نے کہا کہ بلدیاتی انتخابات نہ کرانا پی ٹی آئی حکومت کی سب سے بڑی ناکامی ہے، شہباز شریف دور کے بلدیاتی اداروں کی بحالی تکنیکی طور پر ممکن نہیں۔

وزیر اطلاعات کا مزید کہنا تھا کہ تحفے دینے والے عرب حکمراں مناسب نہیں سمجھتے کہ ان کے نام ظاہر کیے جائیں۔