راولپنڈی کے نواحی علاقے میں ریلوے پولیس اور اہل علاقہ میں تصادم ، اہلکاروں کی فائرنگ سے خاتون زخمی ، نجی ٹی وی کا دعویٰ

راولپنڈی کے علاقے نوگزی گاؤں میں ریلوے پولیس اور اہل علاقہ میں تصادم ہوا ، اہل علاقہ کی جانب سے ریلوے پولیس پر پتھراؤ کیا گیا جبکہ ریلوے پولیس نے جوابی شیلنگ اور فائرنگ کی ، مبینہ طور پر گولی لگنے سے ایک خاتون زخمی ہو گئی ۔

نجی ٹی وی کے مطابق مبینہ طور پر ریلوے پولیس کی فائرنگ سے زخمی ہونے والی خاتون کو ڈسٹرکٹ ہیڈ کوارٹر ہسپتال منتقل کر دیا گیا ، خاتون کے زخمی ہونے کے بعد مشتعل افراد نے تین ریلوے پولیس اہلکاروں کو شدید تشدد کا نشانہ بنا ڈالا جبکہ فتح جنگ روڈ کو بلاک کر دیا۔