پاکستان ارجنٹائن کو 12 جے ایف 17 بلاک تھری طیارے فروخت کرے گا
Written by Prime FM92 on September 19, 2021
پاکستان ارجنٹائن کو 12 جے ایف 17 بلاک تھری جنگی طیارے فروخت کرے گا، جن کی مالیت 66 کروڑ 40 لاکھ ڈالر یعنی 111 ارب 55 کروڑ روپے سے زائد ہو گی۔
ارجنٹائن نے اس خریداری کے لیے اگلے سال کے بجٹ میں رقم مختص کردی ہے۔
ارجنٹائن کی فضائیہ نے امریکا، روس اور بھارت کی پیش کشیں مسترد کرکے پاکستان سے جنگی طیارے خریدنے کا فیصلہ کیا ہے۔
پاکستان سے خریدے جانے والے جنگی طیاروں میں 10 طیارے ایک نشست کے اور 2 طیارے دہری نشست والے ہوں گے۔
پاکستان اور ارجنٹائن کے درمیان دوستانہ تعلقات ہیں اور پاکستان نے اقوام متحدہ کی جنرل اسمبلی میں قوموں کے حق خود ارادیت کی جو قرارداد پیش کی ہے اس کی بھی ارجنٹائن نے حمایت کی ہے جب کہ پاکستان جزائر فاک لینڈ کے مسئلے پر ارجنٹائن کے موقف کے قریب ہے۔
