مودی پنج شیر کی من گھڑت کہانیاں چلا رہا ہے: شیخ رشید

وفاقی وزیرِ داخلہ شیخ رشید احمد کا کہنا ہے کہ مودی پنج شیر کی من گھڑت کہانیاں چلا رہا ہے، بھارتی میڈیا جھوٹ اگل رہا ہے۔

پریس کانفرنس کرتے ہوئے وزیرِ داخلہ شیخ رشید احمد کا کہنا ہے کہ افغانستان میں پاکستان کی دلچسپی صرف امن اور استحکام ہے۔

انہوں نے کہا کہ پاکستان میں فرقہ وارانہ فضا بنائی جا رہی ہے جس میں غیر ملکی ہاتھ ہے۔

شیخ رشید احمد کا مزید کہنا ہے کہ اپوزیشن والے الیکشن مہم پر ہیں، پی ٹی آئی کے خلاف نہیں۔

وفاقی وزیرِداخلہ کا یہ بھی کہنا ہے کہ دنیا سے اپیل کرتے ہیں کہ افغانستان کے اکاؤنٹ بحال کیئے جائیں۔