سعودی عرب میں فوجی مشقوں کا آغاز، پاکستان سمیت 21 ممالک شریک

ریاض ; سعودی عرب میں پاکستان سمیت 21 ممالک کی مشترکہ فوجی مشقوں کا آغاز کیا گیا ہے برائٹ سٹار نامی فوجی مشقوں کا مقصد پیشہ ورانہ امورمیں تجربات کا تبادلہ کرنا ہے. 

سعودی عرب کی محمد نجیب ملٹری ب یس پر سعودی عرب کی قیادت میں پاکستان، امریکہ، انگلینڈ، مصر یونان، اردن سمیت دیگر ممالک کے فوجی دستے پہنچے جہاں برائٹ سٹار نامی فوجی مشقوں کا آغاز ہوا، فوجی مشقوں سے قبل تمام ممالک کے فوجی دستوں کو سمینار کے ذریعے فوجی مشقوں کے حوالے سے بریفنگ دی گئی. 

فوجی مشقوں کا مقصد پیشہ ورانہ امور کے حوالے سے ایک دوسرے کے تجربات کو سیکھنا اور دہشت گردی سے نپٹنے کے لئے حکمت عملی کو تیار کرنا ،میری ٹائم سیکورٹی کو بڑھانا ،فضائی آپریشنز میں انتظامات کی تربیت اور دشمن کے بغیر پائلٹ ڈرون طیاروں کی کھوج اور انہیں تباہ کرنے کی مہارت جیسے کورسز شامل ہیں.