کابل میں حقوق نسواں کیلئے خواتین کی احتجاجی ریلی

افغان دارالحکومت کابل میں حقوق نسواں کے لیے خواتین نے احتجاجی ریلی نکال لی۔

افغان میڈیا رپورٹ کے مطابق خواتین کے احتجاج میں افغان صحافیوں اور سماجی کارکنوں نے بھی شرکت کی۔

میڈیا رپورٹ کے مطابق خواتین مظاہرین نے نئی افغان حکومت میں خواتین کے حقوق بحال رکھنے کا مطالبہ کیا۔

ایک خاتون سماجی کارکن نے مظاہرے سے متعلق کہا کہ مظاہرین کے صدارتی محل جانے کی کوشش پر طالبان نے آنسو گیس کی شیلنگ کی ہے۔