متحدہ عرب امارات کا طیارہ خوراک اور طبی اشیا لے کر کابل پہنچ گیا
Written by Prime FM92 on September 4, 2021
متحدہ عرب امارات (یو اے ای) سے خوراک اور صحت سے متعلق مصنوعات لے کر ایک اماراتی طیارہ کابل پہنچ گیا ہے۔
ترجمان طالبان ذبیح اللّٰہ مجاہد کا کہنا ہے کہ یو اے ای کا طیارہ کم از کم 60 ٹن خوراک اور صحت سے متعلق مصنوعات لے کر کابل پہنچا ہے۔
متحدہ عرب امارات کی وزارت خارجہ نے بھی کابل امدادی طیارہ بھیجے جانے کی تصدیق کرتے ہوئے کہا ہے کہ افغانستان میں حالیہ واقعات کے بعد پہلی پرواز امداد لے کر کابل پہنچی ہے۔
