بجٹ پیش نہ ہو سکا، پنجاب اسمبلی کا اجلاس کل پھر طلب کرلیا گیا

پنجاب اسمبلی میں صوبائی بجٹ آج دوسرے روز بھی پیش نہ کیا جاسکا، اسپیکر پرویز الٰہی اور اپوزیشن ارکان اپنے مطالبے پر قائم رہے اور حکومت اپنے مؤقف پر ڈٹی رہی جس کے بعد اجلاس ملتوی کردیا گیا۔دن بھر اپوزیشن اور حکومت کے درمیان بات چیت کی خبریں آتی رہیں، کچھ دیر قبل یہ خبر آئی تھی کہ پی ٹی آئی ارکان اجلاس میں شرکت کیلئے تیار ہیں اور اجلاس کچھ دیر میں شروع ہوجائے گا۔

اسی دوران گورنر پنجاب بلیغ الرحمان نے پنجاب اسمبلی کا جاری 40 واں اجلاس منسوخ کردیا اور پنجاب اسمبلی کا 41واں اجلاس کل ایوان اقبال میں طلب کرلیا۔ گورنرپنجاب نے پنجاب اسمبلی کا 41 واں اجلاس کل3 بجےطلب کیا۔تاہم اسی اثناء میں پنجاب اسمبلی کا 40 واں اجلاس اسپیکر قومی اسمبلی نے شروع کردیا تاہم کچھ دیر بعد انہوں نے اجلاس کل دوپہر ایک بجے تک ملتوی کردیا۔