’’کورونا سے ہونے والی اموات کو چھپایا گیا اور۔۔۔‘‘ عالمی ادارہ صحت نے رپورٹ میں حیران کن دعویٰ کر دیا

پاکستان میں کورونا صورتحال میں بہتری آئی ہے اور زندگی معمول پر آنا شروع ہو گئی ہے لیکن عالمی ادارہ صحت کی کورونا اموات سے متعلق رپورٹ نے نیا پنڈورا باکس کھول دیاہے ۔

تفصیلات کے مطابق عالمی ادارہ صحت نے اپنی رپورٹ میں دعویٰ کیا ہے کہ دنیا میں کورونا اور اس کے اثرات سے دنیا بھر میں ڈیڑھ کروڑ اموات ہوئیں۔رپورٹ میں بتایا گیا ہے کہ پاکستان میں گزشتہ حکومت میں سرکاری اعداد وشمار سے 8 گنا زیادہ کورونا اموات ہوئیں، یہی نہیں مصر، بھارت، میکسیکو اور دیگر ملکوں میں بھی کورونا کی کم اموات بتائی گئیں۔ڈبلیو ایچ او کی رپورٹ کے مطابق بھارت میں سرکاری اعداد و شمار سے 10 گنا زائد کورونا اموات ہوئیں۔ بھارت میں کورونا وائرس سے اصل میں 47 لاکھ اموات ہوئیں لیکن ظاہرصرف پونے5 لاکھ اموات کی گئیں۔