وزیر اعظم نے لاہور میں عید کی نماز ادا کی، آج قوم کے یک قالب ہونے اور مل کر مسکرانے کا دن ہے: خصوصی پیغام

وزیر اعظم شہباز شریف نے صوبائی دارالحکومت لاہور میں عیدالفطر کی نماز ادا کی اور عید الفطرکے پر مسرت موقع پر اپنے خصوصی بیان میں کہا ہے کہ   آج گلہ کرنے کا نہیں بلکہ گلے ملنے کا دن ہے۔آج  قوم کے یک قالب ہونے اور مل کر مسکرانے کا دن ہے

وزیر اعظم شہباز شریف نے تمام پاکستانیوں اور عالم اسلام کے ہر مسلمان کو عید کی دلی مبارکباد  پیش کی اور کہا کہ  آج یومِ عید خاص دن سے بڑھ کر اتحاد ویگانگت کا ایک خاص موقع ہے۔خیال رہے کہ وزیر اعظم شہباز شریف اور وزیر اعلیٰ پنجاب حمزہ شہباز نے جاتی امرا میں نماز عید ادا کی۔وزیر اعظم اور وزیر اعلیٰ کی جانب سے نماز عید کے بعد ملکی سلامتی اور استحکام کیلئے خصوصی دعائیں کی گئیں۔شہباز شریف اورحمزہ شہباز نماز عید کے بعد لوگوں سے گلے ملے اور عید کی مبارکباد دی۔