سعودی عرب سمیت خلیجی ممالک میں عید الفطر آج مذہبی جوش و جذبے سے منائی جا رہی ہے
Written by Prime FM92 on May 2, 2022
سعودی عرب سمیت خلیجی ممالک میں عید الفطر آج مذہبی جوش و جذبے سے منائی جا رہی ہے ۔ مسجدالحرام اور مسجد نبویﷺ میں لوگوں کی بڑی تعداد نے نماز عید ادا کی ۔
تفصیلات کے مطابق سعودی عرب ، عرب امارات ، خلیجی ممالک ، برطانیہ اور فرانس میں آج عید منائی جا رہی ہے ، شاہ سلمان ، ولی عہد محمد بن سلمان اور گورنر مکہ نے مسجد الحرام میں نماز عید ادا کی ۔ دوسری جانب مسجد نبوی ﷺ میں بھی بڑی تعداد میں لوگوں نے عید کی نماز ادا کی ۔ کورونا کے باعث دو سال بعد تمام مساجد اور عید گاہوں میں مکمل گنجائش کے ساتھ عید کی نماز ادا کی گئی ۔
دوسری جانب دبئی میں بھی عید روایتی جوش و خروش سے منائی جا رہی ہے ، دبئی کی پاکستانی مسجد میں پاکستانی برادری نے بڑی تعداد میں نماز عید ادا کی ۔
ادھر برطانیہ فرانس ، امریکہ اور کینڈا میں بھی آج عید منائی جا رہی ہے ۔
پاکستان ، بنگلہ دیش ،سری لنکا میں عید الفطر کل ہوگی جبکہ افغانستان میں عید گزشتہ روز منائی جا چکی ہے ۔