ایف آئی اے کی نشاندہی پر کابل میں انسانی سمگلنگ کا نیٹ ورک پکڑا گیا
Written by Prime FM92 on April 17, 2022
وفاقی تحقیقاتی ایجنسی (ایف آئی اے) اسلام آباد کی نشاندہی پر کا بل میں انسانی سمگلنگ کا نیٹ ورک پکڑاگیا،ایف آئی اے کے رابطہ پر افغان حکام نے نیٹ ورک چلانے والے ایجنٹس کو گرفتار کرلیا۔
گزشتہ سال جعلی پاکستانی ویزے پر پاکستان سے آئرلینڈجانے کی کوشش کرنے والے افغان باشندے ملزم میر آغا سلیمی نے دوران تفتیش انکشاف کیا کہ جعلی ویزہ لگانے والے ایجنٹس افغانستان سے آپریٹ کر رہے ہیں،ملزمان500 ڈالر کے عوض جعلی ویزے بناتے تھے۔جس پرڈپٹی ڈائریکٹر ایف آئی اے زبیر شیخ نے افغان سفارتخانے سے رابطہ کیا اور افغانستان میں موجود ایجنٹس کے خلاف کارروائی کی درخواست کی۔
