امریکہ میں یوکرینی سفیر کا روس پر یوکرین میں ویکیوم بموں کے استعمال کا سنگین الزام

یوکرین کے امریکہ میں سفیر کی جانب سے الزام عائد کیا گیا ہے کہ روس نے حالیہ بمباری کے دوران ویکیوبموں کا استعمال کیا ہےجس کےبعد اب یوکرینی صدر ولادیمیر زیلنسکی نے روس پرکو جنگی جرائم کا مرتکب قرار دیا ہے ۔

 رات کے وقت کیئے گئے خطاب میں زیلنسکی کا کہناتھا کہ’’ تمام کنونشن کی خلاف ورزی پر انٹر نیشنل ٹریبونل یقینی ہوگا ،دنیا معصوم یوکرینی لوگوں کے قتل کو کبھی معاف نہیں کرے گی ۔‘‘

گزشتہ روز امریکہ میں یوکرینی سفیر نے دعویٰ کیا تھا کہ روس نے یوکرین پر ویکیوم بموں کا استعمال کیا ہے ، اوکسانا مارکوا کا کہناتھا کہ ویکیوم بموں کا استعمال جنیوا کنویشن کی خلاف ورزی ہے ، جو تباہی روس یوکرین پر لانا چاہ رہاہے وہ بہت بڑی ہے ۔

 ’’ ویکیوم بموں کو ’’ تھرمو بارک ویپنز ‘‘ بھی کہا جاتاہے جو کہ انسانی جسم کو بخارات بنا سکتاہے اور اندرونی اعضاء کو کچل سکتا ہے ۔