کورونا وائرس پھیلنے کی شرح میں کمی آگئی
Written by Prime FM92 on February 25, 2022
ملک بھر میں کورونا وائرس پھیلنے کی شرح میں کمی جاری ہے ، گزشتہ 24 گھنٹوں میں کورونا کے مثبت کیسز کی شرح 2.72 فیصد ہوگئی ۔
نیشنل کمانڈ اینڈ آپریشن سینٹر ( این سی او سی ) کے مطابق گزشتہ 24 گھنٹوں میں ایک ہزار 122 افراد میں مہلک وائرس کی تشخیص ہوئی جبکہ مثبت کیسز کی شرح 2.72 فیصد رہی ۔
ملک کے تمام شہروں کورونا کیسز کی شرح 10 فیصد سے بھی کم رہی ۔ گزشتہ 24 گھنٹوں میں سب سے زیادہ شرح پشاور کے شہر بنوں میں ریکارڈ کی گئی ، گلگت میں شرح 7.84، حیدر آباد میں 6.87، مظفر آباد میں 6.78 فیصد ریکارڈ کی گئی ۔
پشاور میں 4.58، کراچی میں چار ، لاہور میں تین اور کوئٹہ میں 2.67 فیصد ریکارڈ کی گئی ۔ وفاقی دارالحکومت اسلام آباد میں مثبت کیسز کی شرح 1.65 جبکہ راولپنڈی میں دو ریکارڈ کی گئی ۔