مہلک کورونا وائرس سے مزید 31 افراد جاں بحق ، ایک ہزار 360 کیسز رپورٹ
Written by Prime FM92 on February 21, 2022
مہلک کورونا وائرس پر قابو نہ پایا جا سکا ، مزید 31 افراد وائرس کی بھینٹ چڑھ گئے جس کے بعد اموات کی تعداد 30 ہزار 40 تک پہنچ گئی ہے ۔
نیشنل کمانڈ اینڈ آپریشن سینٹر ( این سی او سی ) کے مطابق اب تک ملک بھر میں 15 لاکھ ایک ہزار 680 افراد کورونا وائرس سے متاثر ہو چکے ہیں ، ملک بھر میں اس وقت ایک ہزار 302 مریضوں کی حالت تشویشناک ہے جبکہ 14 لاکھ تین ہزار 968 افراد وائرس کو شکست دے کر صحتمند ہوچکے ہیں ۔
پاکستان میں اب تک دو کروڑ 61 لاکھ 36 ہزار 422 کورونا ٹیسٹ کئے جا چکے ہیں ، گزشتہ 24 گھنٹوں میں 41 ہزار 597 ٹیسٹ کئے گئے ۔
سندھ میں پانچ لاکھ 64 ہزار 522 ، پنجاب میں 4 لاکھ 99 ہزار 63 ، خیبرپختونخوا میں دو لاکھ 14 ہزار 955 ، دارالحکومت اسلام آباد میں ایک لاکھ 33 ہزار 839 ، بلوچستان میں 35 ہزار 274 ، آزاد جموں و کشمیر میں 42 ہزار 669 جبکہ گلگت بلتستان میں 11 ہزار 358 افراد متاثر ہوتے ہیں ۔
