ڈیلٹا اور اومی کرون کی قسمیں دنیا میں تباہی مچانے والی ہیں ، عالمی ادارہ صحت کا انتباہ

عالمی ادارہ صحت ( ڈبلیو ایچ او ) نے انتباہ جاری کیا کہ اومی کرون اور ڈیلٹا کی مختلف قسموں سے متعلق پریشانی کا سامنا ہے ، یہ دونوں قسمیں مشترکہ طور پر کورونا کیسز کا سونامے لانے کی طرف بڑھ رہی ہیں ۔

ورلڈ ہیلتھ آرگنائزیشن ( ڈبلیو ایچ او ) نے کہا کہ ہم امید کرتے ہیں کہ دنیا سال 2022 میں اس وباء کی بد ترین صورتحال کو ماضی کا حصہ بنا دے گی ، اومی کرون کے پھیلاؤ کی رفتار بہت زیادہ ہے ۔

واضح رہے کہ پاکستان میں بھی اومی کرون کے 75  کیسز کی تصدیق ہو چکی ہے ۔  نیشنل ہیلتھ انسٹیٹیوٹ کے مطابق  اومی کرون کے سب سے زیادہ کیسز کراچی سے سامنے آئے ، کراچی سے اب تک 33 کیسز سامنے آچکے ہیں ۔ دوسرے نمبر پر اسلام آباد ہے جہاں اومی کرون سے متاثرہ 17 افراد سامنے آچکے ہیں ۔ 

لاہور میں  13 افراد میں اومی کرون وائرس کی تصدیق ہوئی  جبکہ بیرون ملک سے آنے والے 12 مسافروں میں اومی کرون کی تصدیق ہوئی ۔ پاکستان میں اومی کرو کا پہلا کیس 13 دسمبر کو رپورٹ ہوا تھا، ویکسی نیشن اور ایس او پیز پر عملدرآمد وباء  کیخلاف موثر ہیں ۔