ہر جماعت چاہتی ہے کہ اسٹیبلشمنٹ اس کے سر پر ہاتھ رکھے مگر فیصلہ کیا ہوا، شیخ رشید کھل کر بول پڑے

وفاقی وزیر داخلہ شیخ رشید نے کہا کہ ہر جماعت کی خواہش ہے کہ اسٹیبلشمنٹ   اس کے سر پر ہاتھ رکھے مگر  اسٹیبلشمنٹ   نے فیصلہ کیا ہے کہ جو جماعت اقتدار میں آئے گی وہ اس کے ساتھ ہے ۔بھارت کے رافیل طیارے خریدنے سے متعلق سوال کا جواب دیتے ہوئے شیخ رشید کا کہنا تھا کہ افواج پاکستان  عظیم ہیں اور اپنے دفاع سے غافل نہیں ، رافیل کے توڑ میں جے ایس 10فلائنگ پریڈ کرے گا۔

راولپنڈی میں میڈیا سے گفتگو کرتے ہوئے وزیر داخلہ کا کہنا تھا کہ نواز شریف کی آمد کا شور مچا ہوا ہے ، کوئی کہتا ہے کہ وہ آرہا ہے اور کوئی کہتا ہے کہ نہیں آرہا ، نواز شریف کے آنے سے کیا فرق پڑے گا؟ ، یہیں سے گئے تھے ، لوٹ بھی آئیں گے تو کیا ہو جائے گا؟، کچھ نہیں ہونے والا ، عمران خان 5 سال پورے کریں گے  اور پانچویں سال میں مہنگائی کا خاتمہ بھی کرینگے۔