پی ٹی آئی حکومت نے فی یونٹ ڈھائی روپے مہنگا کر کے اپنے ماضی کے دعوؤں کی قلعی کھول دی ، مرتضیٰ وہاب

ترجمان سندھ حکومت اور ایڈمنسٹریٹر کراچی مرتضیٰ وہاب نے بجلی کی قیمت میں فی یونٹ ڈھائی روپے اضافے پر رد عمل دیتے ہوئے کہا کہ پی ٹی آئی حکومت نے فی یونٹ ڈھائی روپے مہنگا کر کے اپنے ماضی کے دعوؤں کی قلعی کھول دی ہے ۔

اپنے بیان میں مرتضیٰ وہاب کا کہنا تھا کہ نا اہل حکومت نے پٹرول کے بعد عوام پر بجلی بم بھی دے مارا ہے ، سندھ حکومت بجلی کی قیمتوں میں اضافے کو مسترد کردتی ہے ، بجلی قیمتوں میں اضافہ فوری واپس لیا جائے ، سلیکٹڈ حکومت نے آئی ایم ایف کے سامنے گھٹنے ٹیک دیے ہیں ۔