“”یہ بلڈنگ بھی فارغ ہو گئی “”, سپریم کورٹ کراچی رجسٹری نے تجوری ہائٹس کی اراضی منتقلی کو غیر قانونی قرار دیدیا

سپریم کورٹ  رجسٹری کراچی نے تجوری ہائٹس کی اراضی کی منتقلی کو غیر قانونی قرار دیتے ہوئے کہا کہ یہ واضح ہو گیا کہ اراضی آپ کی نہیں ، اراضی ریلوے کی ہے یا نہیں ، یہ ابھی طے نہیں کر رہے ۔

تجوری ہائٹس کی اراضی منتقلی سے متعلق درخواست پر سماعت سپریم کورٹ رجسٹری کراچی میں ہوئی  ، جسٹس اعجاز الاحسن نے ریمارکس دیے کہ  زمین کی منتقلی کا طریقہ کار ہی غلط اختیار کیا گیا ہے ، “”یہ بلڈنگ بھی فارغ ہو گئی “”,  اراضی ایک سروے نمبر سے دوسرے سروے نمبر میں کیسے منتقل ہوئی ، سرکاری محکموں میں ٹائٹل تبدیل ہوا ہوگا مگر قانون کے تحت نہیں ، سرکاری محکموں پر دعویٰ کریں وہ آپ کی مرضی ہے ۔ سروے نمبر 190 سے اراضی سروے نمبر 188 میں غیر قانونی طور پر منتقل ہوئی ، اراضی منتقلی کا جو طریقہ اختیار کیا گیا وہ جرم ہے ۔