ممبرِ امتحانات پاکستان میڈیکل کمیشن کی برطرفی کا حکم معطل

اسلام آباد ہائی کورٹ نے پاکستان میڈیکل کمیشن کے ممبرِ امتحانات کو عہدے سے برطرف کرنے کا حکم معطل کر دیا۔

اسلام آباد ہائی کورٹ کے جسٹس میاں گل حسن اورنگزیب نے پی ایم سی کے حکم کو معطل کر دیا۔

عدالتِ عالیہ نے فریقین کو نوٹس جاری کرتے ہوئے 20 اکتوبر تک جواب طلب کر لیا۔

اسلام آباد ہائی کورٹ کی جانب سے پی ایم سی کے صدر، نائب صدر اور سیکریٹری کو نوٹسز جاری کر کے ان سے جواب طلب کیا گیا ہے۔