عمران خان سے ایران کے چیف آف جنرل سٹاف کی ملاقات، افغانستان اور بارڈر سیکیورٹی کے ایشوز پر گفتگو

وزیراعظم عمران خان نے کہا ہے کہ پاک ایران سرحد امن اور دوستی کی سرحد ہے، افغانستان کے پڑوسیوں کی حیثیت سے پاکستان اور ایران کا امن اور استحکام سے براہ راست تعلق ہے۔

 ایران کے چیف آف جنرل سٹاف میجر جنرل محمد باقری سے ملاقات کے دوران  گفتگو کرتے ہوئے وزیراعظم کا کہنا تھا کہ دونوں ملکوں کی سرحدوں پر   مارکیٹوں کے قیام سے خطے میں روزی روٹی میں آسانی ہوگی۔انہوں نے  مسئلہ کشمیر کے تنازع پر ایران کی مثبت کردارکو سراہا جبکہ افغانستان میں تازہ ترین صورتحال پر بھی تبادلہ خیال کیا گیا۔وزیراعظم  نے قومی مفاہمت اور جامع سیاسی تصفیے کی اہمیت پر زور دیا جبکہ پاکستان اور ایران کے درمیان قریبی ہم آہنگی پر بھی زور دیا گیا۔