ایک ہی دن میں سونے کی بڑی چھلانگ، 2300 روپے مہنگا، تین دنوں میں مجموعی طور پر قیمت کتنی بڑھ چکی؟
Written by Prime FM92 on October 14, 2021
پاکستان میں فی تولہ سونے کی قیمت میں ایک ہی دن میں تاریخی اضافہ ہوگیا۔
سندھ صرافہ بازار جیولرز ایسوسی ایشن کے مطابق جمعرات کے روز فی تولہ سونے کی قیمت میں 2300 روپے کا اضافہ ہوا ہے جس کے بعد فی تولہ سونے کی قیمت ایک لاکھ 19 ہزار روپے ہوگئی ۔ دس گرام سونا 1972 روپے مہنگا ہو کر ایک لاکھ دو ہزار 23 روپے کا ہوگیا ہے۔ دوسری جانب عالمی مارکیٹ میں بھی سونے کی قیمت نے بڑی چھلانگ لگائی ہے۔ یہاں فی اونس سونا 29 ڈالر اضافے سے 1800 ڈالر ہوگیا ہے۔
خیال رہے کہ رواں ہفتے کے دوران سونے کی قیمت میں غیر معمولی اضافہ ہوا ہے۔ رواں ہفتے کے چار دنوں میں سونا مجموعی طورپر تین ہزار 750 روپے مہنگا ہوچکا ہے۔ پیر کے روز سونے کی قیمت برقرار رہی تاہم منگل کو اس کی قیمت میں 750، بدھ کو 700 اور جمعرات کو 2300 روپے کا اضافہ ہوا۔
