ایک ہی دن میں سونا اتنا مہنگا ہوگیا کہ شادی کی تیاریوں میں مصروف پاکستانی ہکا بکا رہ جائیں
Written by Prime FM92 on October 13, 2021
پاکستان میں فی تولہ سونے کی قیمت میں مسلسل دوسرے روز بڑا اضافہ ریکارڈ کیا گیا ہے۔
سندھ صرافہ بازار جیولرز ایسوسی ایشن کے مطابق بدھ کے روز فی تولہ سونا 700 روپے مہنگا ہو کر ایک لاکھ 16 ہزار 700 روپے کا ہوگیا ۔ دس گرام سونے کی قدر 600 روپے بڑھ کر ایک لاکھ 51 روپے ہوگئی ۔ دوسری جانب عالمی منڈی میں سونے کی قدر آٹھ ڈالر بڑھ کر 1771 ڈالر فی اونس ہوگئی ہے۔
خیال رہے کہ گزشتہ روز سونے کی قیمت میں 750 روپے کا اضافہ ہوا تھا۔ حالیہ کچھ عرصے کے دوران سونے کی قیمت میں تیزی سے اضافہ دیکھا جا رہا ہے ۔
