پاکستان میں کورونا سے مزید 28 افراد انتقال کر گئے، ایک ہزار سے زائد نئے کیسز رپورٹ
Written by Prime FM92 on October 11, 2021
پاکستان میں عالمی وبا کورونا سے مزید 28 افراد انتقال کر گئے اور 1004 نئے کیسز بھی رپورٹ ہوئے ہیں۔
سرکاری اعدادوشمار کے مطابق گزشتہ 24 گھنٹوں کے دوران ملک بھر میں کورونا کے 43 ہزار 389 ٹیسٹ کیے گئے جن میں سے 1004 افراد میں وائرس کی تصدیق ہوئی جب کہ وائرس سے 28 افراد انتقال کر گئے، ملک میں گزشتہ 24 گھنٹوں کے دوران کورونا کے مثبت کیسز کی شرح 2.31 فیصد رہی۔
سرکاری پورٹل کے مطابق ملک میں کورونا سے ہلاکتوں کی تعداد 28 ہزار 134 ہو گئی اور مجموعی کیسز 12 لاکھ 58 ہزار 959 تک جا پہنچے ہیں۔اس کے علاوہ 24 گھنٹوں کے دوران ملک بھر میں 1254 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 88 ہزار 562 ہو گئی ہے جب کہ فعال کیسز کی تعداد 42263 ہے۔
