قرضوں کی واپسی کی مدت میں مزید کمی واقع ہوئی ہے

سلام آباد: وزارت مالیات نے جمعے کے روز جاری ایک رپورٹ میں انکشاف کیا ہے کہ پاکستان کی جانب سے گزشتہ مالی سال کے دوران قرضوں کی واپسی کی مدت میں مزید کمی واقع ہوئی ہے اور اس کی وجہ حکومت کا مختصر مدت کے قرضوں پر انحصار کرنا ہے۔ 

رپورٹ کے مطابق تحریک انصاف حکومت کی جانب سے گزشتہ مالی سال کے دوران مختصر مدت کے قرضوں پر زیادہ انحصار کیا گیا جس کی وجہ سے ان قرضوں کی مدت جلد ختم ہوجاتی ہے اور حکومت کو ان کی ادائیگی کے لیے نئے قرض لینے پڑے جس کے باعث بڑھتے ہوئے افراط زر کے نتیجے میں شرح سود میں اضافہ کرنا پڑا

رپورٹ کے مطابق کرنسی کی قدر سے متعلق اشاریوں میں بہتری رہی جس کی وجہ بیرونی قرضہ جات میں کمی اور مجموعی قومی پیداوار کے مقابلے میں مجموعی قرضہ جات میں بھی کمی واقع ہونا ہے۔