اداکار عمر شریف کی طبیعت میں بہتری، آج دوپہر امریکا روانگی کی تیاری

کراچی کے نجی اسپتال میں زیر علاج پاکستانی کامیڈین عمر شریف کی طبیعت میں گزشتہ روز کی نسبت کافی بہتری آئی ہے جس بنا پر ملکی اور غیر ملکی ڈاکٹروں نے انہیں ایئر ایمبولینس کے سفر کے لیے فٹ قرار دے دیا ہے۔

ڈاکٹرز پرامید ہیں کہ عمر شریف کی صحت اسی طرح برقرار رہی تو منگل کی دوپہر انہیں ایئر ایمبولینس میں امریکا روانہ کردیا جائے گا۔

ڈاکٹرز کے مطابق کامیڈین عمر شریف کی صحت دو روز پہلے کی طرح معمول پر آگئی ہے۔ ایئر ایمبولینس کے ڈاکٹرز کی ٹیم نے پیر کی سہ پہر کے بعد رات کو بھی نجی اسپتال میں عمر شریف کا معائنہ کیا۔