پنجاب میں کورونا وائر س کے ایکٹو کیسز کی تعداد25ہزار سے تجاوز کر گئی
Written by Prime FM92 on August 29, 2021
پنجاب میں کورونا وائرس کے ایکٹو کیسز کی تعداد25ہزار564ہوگئی جبکہ کیسزکی مجموعی تعداد 3لاکھ89ہزار689ہوگئی۔صوبہ بھر میں تین لاکھ 52ہزار328 مریض مکمل طور پر صحت یاب ہو چکے ہیں۔
نجی ٹی وی ہم نیوز کے مطابق سیکرٹری صحت پنجاب نے بتایا کہ صوبے میں 24گھنٹوں کے دوران کورونا کے مزید ایک ہزار392کیسز رپورٹ ہوئے ہیں جبکہ لاہور میں کورونا سے 13 اموات رپورٹ ہوئی ہیں۔
سیکرٹری صحت کے مطابق گزشتہ 24گھنٹوں کے دوران پنجاب میں کورونا سے ٹوٹل 40 اموات ریکارڈ کی گئی ہیں جس کے بعد اموات کی مجموعی تعداد11ہزار797ہوگئی ہے۔
