وزیرا عظم عمرا ن خان نے پاکستان کے پہلے سمارٹ جنگل کا افتتاح کردیا
Written by Prime FM92 on August 25, 2021
لاہور: وزیرا عظم عمران خان نے شیخوپورہ میں بنائے گئے پاکستان کے پہلے سمارٹ جنگل رکھ جھوک کا افتتاح کردیا۔ یہ جنگل ماحولیاتی آلودگی پر قابو پانے کے لئے 24سو کنال اراضی پر لگایا جارہا ہے۔
نجی ٹی وی دنیا نیوز کے مطابق وزیرا عظم عمرا ن خان ایک روز ہ دورہ پر لاہور پہنچ گئے ہیں جہاں وزیر اعلیٰ عثمان بزدار نے ان کا استقبال کیا ۔ لاہور آمد کے بعد وزیر اعظم ہیلی کاپٹر کے ذریعہ رکھ جھوک روانہ ہوئے اورو ہاں پودا لگا کر سمارٹ جنگل کا افتتاح کیا اس موقع پر عمران خان کو سمارٹ جنگل سے متعلق بریفنگ بھی دی گئی جبکہ وزیر اعلیٰ عثمان بزدار اور معاون خصوصی ڈاکٹر شہباز گل بھی اس موقع پر موجود تھے۔
واضح رہے کہ وزیراعظم عمران خان ایک روزہ دورے میں گورنر چوہدری محمد سرور اور وزیر اعلیٰ پنجاب عثمان بزدار سے ملاقاتیں کریں گے۔
