ستاروں کی روشنی میں آپ کا آج (منگل) کا دن کیسا رہے گا؟
Written by Prime FM92 on May 31, 2022
برج حمل ، سیارہ مریخ، 21 مارچ سے 20 اپریل
حالات اب تیزی سے بدل رہے ہیں۔ زندگی ایک نئے انداز سے شروع ہو رہی ہے۔ آپ جس بھی مشکلات میں ہیں ،وہ تب ختم ہو گی جب آپ پچھلے معاملات کو چھوڑ دیں گے۔
برج ثور، سیارہ زہرہ، 21 اپریل سے 20 مئی
ماضی میں جو غلطیاں ہوئی ہیں۔ ان کو دوبارہ مت کریں۔ اس وقت آپ کو اسی وجہ سے خاص کامیابی نہیں مل رہی۔ اگر آپ توبہ کر لیں اور اصلاح کریں گے تو ممکن ہوگا۔
برج جوزہ، سیارہ عطارد، 21 مئی سے 20 جون
آج اچھا دن ہے۔ آپ کو کسی خاص مقصد میں کامیابیاں حاصل ہو سکتی ہیں اور اس شخص سے بھی نجات مل جائے گی جو عرصہ دراز سے آپ کے لئے پریشانی کا سبب بنا ہوا تھا۔
برج سرطان، سیارہ چاند، 21 جون سے 20 جولائی
ایک اہم مقاصد میں کامیابی مل سکتی ہے۔ ناراض لوگ مزید دور ہو رہے ہیں۔ ان کو قریب لانے کے لئے اگر معافی مانگ سکتے ہیں تو ضرور مانگیں تاکہ رشتے بچائے جا سکیں۔
برج اسد، سیارہ شمس، 21 جولائی سے 21 اگست
آپ نے عرصہ پریشانی میں گزارہ ہے۔ اب حالات رہے ہیں اور بحکم اللہ پریشانیاں دور بھاگ رہی ہیں جو لوگ (نعیم القادر اللہ) لکھ کر اپنے پاس رکھ لیں گے وہ جلد فائدہ لیں گے۔
برج سنبلہ ، سیارہ عطارد، 22 اگست سے 22 ستمبر
توبہ سے کام لیں۔ آپ نے ماضی میں جو غلطیاں کی ہیں، وہ آپ کے سامنے آ رہی ہیں۔ آج ضروری ہے کہ اپنی اصلاح کی جائے اور آنے والے اچھے دنوں سے فائدہ اٹھانے کی پوزیشن میں ہوں۔
برج میزان ، سیارہ زہرہ، 23 ستمبر سے 22 اکتوبر
جو لوگ کسی بھی قسم کی بندش کو محسوس کر رہے ہیں۔ ان کا شک درست ہو سکتا ہے۔ کوئی مسئلہ تو ہے جو ان کو بلاک رکھے ہوئے ہے۔ آپ اگر استخارہ کر لیں تو بہتر ہے۔
برج عقرب ، سیارہ مریخ، 23 اکتوبر سے 22 نومبر
روزگار میں بہتری اور پیسہ ہاتھ میں آنے کے امکانات روشن ہیں۔ آپ جس بھی کام میں ہاتھ ڈالین گے۔ اس میں کامیابی ملے گی۔ ناراض لوگوں سے صلح ہو سکے گی۔
برج قوس ، سیارہ مشتری، 23 نومبر سے 20 دسمبر
آپ کو جس شخص نے پریشان کر رکھا تھا وہ اب خود بخود پیچھے ہٹ گیا ہے اور جو رکاوٹ محسوس کی جا رہی تھی۔ وہ انشاءاللہ ختم ہوتی جا رہی ہے۔ آج بڑا ہی اچھا دن رہے گا۔
برج جدی ، سیارہ زحل، 21 دسمبر سے 19 جنوری
جو لوگ کسی سے رقم ادھار لینا چاہتے ہیں۔ اس کے مل جانے کا امکان ہے اور آج ایک اہم ضرورت بھی پوری ہو گی۔ اگر کوئی آفر آئے تو اس کے بارے میں بھی غور ضرور کریں۔
برج دلو ، سیارہ زحل، 20 جنوری سے 18 فروری
جن لوگوں نے آپ کی زندگی میں مشکل پیدا کی ہوئی ہے۔ اب ان سے دوری اختیار کرنا ہی بہتر رہے گا۔ ان دنوں آپ کی دلی مراد بھی پوری ہو سکتی ہے۔ بس خاموشی سے چلنا ضروری ہے۔
برج حوت ، سیارہ مشتری، 19 فروری سے 20 مارچ
جو لوگ کسی کی باتوں میں آکر اپنی پوزیشن وک تبدیل کرنے کے چکروں میں ہیں۔ وہ ابھی انتظار کریں، ان شاءاللہ اسی جگہ پر فائدہ حاصل ہونے کی امید ہے، ابھی صبر سے کام لے لیں۔