پشاور دھماکہ، سابق وزیر اعظم نواز شریف نے بیان جاری کردیا
Written by Prime FM92 on March 4, 2022
سابق وزیر اعظم نواز شریف نے پشاور کی مسجد میں جمعہ کی نماز کے دوران ہونے والے دھماکے پر افسوس کا اظہار کیا ہے۔
ٹوئٹر پر اپنے پیغام میں نواز شریف نے کہا “پشاور دھماکے میں 60 شہادتوں کی خبر سن کر دلی صدمہ پہنچا۔دہشتگردی کی وبا سے چھٹکارہ پا جانے والا پاکستان پھر سے دہشتگردی کی آگ میں جل رہا ہے۔تکلیف کی گھڑی میں میری دعائیں اور ہمدردیاں متاثرہ خاندانوں کے ساتھ ہیں۔اللہ تعالی شہدا کے درجات بلند فرمائے اور زخمیوں کو جلد صحت عطا فرمائے۔”
خیال رہے کہ آج پشاور کے قصہ خوانی بازار میں مسجد میں خود کش حملہ ہوا تھا۔ پولیس کا کہنا ہے کہ دو حملہ آور آئے جنہوں نے پہلے فائرنگ کی ۔ مسجد کے باہر کھڑے اہلکاروں نے دہشت گردوں کا مقابلہ کیا جس کے دوران ایک اہلکار شہید جب کہ دوسرا زخمی ہوگیا۔