کورونا وائرس سے اموات میں کمی ریکارڈ ، گزشتہ 24 گھنٹے میں 13افراد جاں بحق
Written by Prime FM92 on February 22, 2022
کورونا وائرس سے اموات میں کمی آگئی ، گزشتہ 24 گھنٹوں میں 13 افراد جاں بحق ہوئے جبکہ 961 کیسز سامنے آئے ۔
نیشنل کمانڈ اینڈ آپریشن سینٹر ( این سی او سی ) کے جاری کردہ تازہ اعداد و شمار کے مطابق سندھ میں پانچ لاکھ 64 ہزار 895 افراد اب تک مہلک وائرس سے متاثر ہو چکے ہیں ، آٹھ ہزار 30 کا انتقال ہوا جبکہ 47 ہزار 575 اب بھی زیر علاج ہیں ۔
پنجاب میں چار لاکھ 99 ہزار 365 افراد کورونا سے متاثر ہوئے ، 13 ہزار 461 کا انتقال ہوا جبکہ چھ ہزار 376 موت و حیات کی کشمکش میں مبتلا ہیں ۔ وفاقی دارالحکومت اسلام آباد میں ایک لاکھ 33 ہزار 939 افراد کورونا سے متاثر ہوئے ، ایک ہزار پانچ افراد کا انتقال ہوا ، 881 مختلف ہسپتالوں میں زیر علاج ہیں ۔
خیبرپختونخوا میں دو لاکھ 15 ہزار 87 افراد کورونا وائرس کا شکار ہوئے ، چھ ہزار 210 خونی وائرس کی بھینٹ چڑھے ۔ گلگت بلتستان میں 11 ہزار 390 جبکہ آزاد جموں و کشمیر میں 42 ہزار 684 مریض سامنے آئے ۔ بلوچستان میں 35 ہزار 284 کورونا کے کیسز رپورٹ ہو چکے ہیں ۔
