عالمی منڈی میں خام تیل کی قیمت نے تمام ریکارڈ توڑ ڈالے ، 8 سال کی بلند ترین سطح پر پہنچ گیا ، پاکستانیوں کیلئے پریشان کن خبر
Written by Prime FM92 on February 15, 2022
عالمی منڈی میں خام تیل کی قیمت 8 سال کی بلند ترین سطح پر پہنچ گئی ہے جس کے بعد پاکستان میں بھی پٹرولیم مصنوعات کی قیمتوں میں ہوشربااضافے کا امکان مضبوط ہو گیاہے ۔
تفصیلات کے مطابق عالمی منڈی میں خام تیل کی قیمت 95 ڈالر 9 سینٹ فی بیرل ہو گئی ہے جس کے باعث پاکستان میں بھی پٹرولیم منصوعات کی قیمتوں میں 8 روپے فی لیٹر اضافے کا خدشہ ہے اور قیمت بڑھانے سے متعلق اعلان بھی آج ہی متوقع ہے ۔
یکم جنوری سے اب تک عالمی منڈی میں خام تیل 15 ڈالر فی بیرل مہنگا ہواہے ، اکتوبر 2014 کے بعد خام تیل کی یہ بلند ترین قیمت ہے ،ڈیڑھ ماہ کے دوران خام تیل کی قیمت میں 20 فیصد اضافہ ہوا۔