پی ٹی آئی فارن فنڈنگ کیس کی سماعت 18جنوری تک ملتوی
Written by Prime FM92 on January 4, 2022
الیکشن کمیشن میں پاکستان تحریک انصاف کے خلاف فارن فنڈنگ کیس کی سماعت ہوئی ، الیکشن کمیشن نے سماعت 18جنوری تک ملتوی کر دی ۔
الیکشن کمیشن میں سماعت میں فرخ حبیب نے مسلم لیگ ن اور پاکستان پیپلزپارٹی کے اکاﺅنٹس کی سکروٹنی بھی جلد مکمل کرنے کی درخواست دی ۔ فرخ حبیب نے اپنی درخواست میں کہا کہ مسلم لیگ ن اور پاکستان پیپلزپارٹی کے اکاﺅنٹس کی سکروٹنی بھی جلد مکمل کی جائے ، ان کی سکروٹنی کا عمل سال 2017سے چل رہا ہے ، کارروائی جلد مکمل کی جائے ۔
الیکشن کمیشن نے فرخ حبیب کی استدعا پر سکروٹنی کمیٹی سے آئندہ روز میں مسلم لیگ ن اور پاکستان پیپلزپارٹی کے اکاﺅنٹس پر پیشرفت رپورٹ طلب کرتے ہوئے استفسار کیا کہ مسلم لیگ ن اور پیپلزپارٹی کے اکاﺅنٹس کی سکروٹنی کا عمل کہاںتک پہنچا ۔
الیکشن کمیشن کی جانب سے فرخ حبیب سے کہا گیا کہ آپ اپنے کیس سے متعلق علیحدہ درخواست دے سکتے ہیں ۔ الیکشن کمیشن نے پاکستان تحریک انصاف کیخلاف فارن فنڈنگ کیس کی سماعت 18جنوری تک ملتوی کر دی ۔
