“مولانا فضل الرحمان بلدیاتی وزیر اعظم بن چکے ” فیصل واوڈا نے دلچسپ سوال بھی پوچھ لیا

پاکستان تحریک انصاف کے رہنما سینیٹر فیصل واوڈا نے مولانا فضل الرحمان کو بلدیاتی وزیر اعظم قرار دیتے ہوئے ان سے دلچسپ سوال بھی پوچھ لیا۔

نجی ٹی وی جیو نیوز کے پروگرام میں گفتگو کرتے ہوئے فیصل واوڈا نے کہا کہ خیبر پختونخوا کے بلدیاتی انتخابات میں مہنگائی اور ٹکٹوں کی غلط تقسیم کی وجہ سے شکست ہوئی۔ یہ کہنا غلط ہوگا کہ مہنگائی نہیں ہے، عوام کو  اس سے کوئی مطلب نہیں کہ کیا ہو رہا ہے، ان کو اشیائے خورو نوش سستی چاہئیں۔

انہوں نے بلدیاتی الیکشن میں جمعیت علماء اسلام کی کامیابی پر کہا کہ اب مولانا فضل الرحمان بلدیاتی وزیر اعظم بن چکے ہیں، وہ بتائیں کہ وہ الیکٹڈ ہیں یا سلیکٹڈ ہیں؟